MLM തടി കുറയ്ക്കൽ ... വിശകലനം

-
തടി കുറയ്ക്കും മൾട്ടി ലെവൽ.
...............................

ML M ..
മൾട്ടി ലെവൽ മാർക്കെറ്റിംഗ് ..

മലയാളിയുടെ ഭക്ഷണപ്രിയത്തേയും വ്യായാമരഹിത ജീവിതത്തെയും ,പെട്ടെന്ന് കാശ് ഉണ്ടാക്കാനുള്ള പ്രവണതയെയും ഒക്കെ മുതലെടുത്താണ് പുതിയ അവതാരം '

*എന്റെ തടി കുറഞ്ഞാൽ
നിനക്ക് കാശ്
നിന്റെ കുറഞ്ഞാൽ എനിക്ക് കാശ്*

തടി കുറയാൻ മാർഗങ്ങളേറെയുണ്ട്

പക്ഷെ-MLM തടി കുറയ്ക്കല്
ലെവല് വേറെയാണ്

വ്യായാമം വേണ്ട
ഡയറ്റിങ്ങ് വേണ്ട..
പോക്കറ്റ് നിറയെ കാശും കിട്ടും.

ഒരു സോഫ്റ്റ് ഡ്രിങ്ക് കുടിച്ചാൽ ,ഒരു മാസം കൊണ്ട് തടി കുറയും

അതും മുഖം ഒട്ടിപ്പോകില്ല
വയറ് മാത്രം കുറയും
എന്തും കഴിക്കാം
ഒപ്പം ഈ സോഫ്റ്റ് ഡ്രിങ്ക് കഴിച്ചാൽ മതി.
മോഹന വാഗ്ദാനങ്ങൾ ഏറെയുണ്ട് കൂടെ.

ഭാവിയിൽ പ്രമേഹം, ഹൃദ്രോഗം ,അമിത കൊളസ്ട്രോൾ ഒന്നും പടി കടന്ന് എത്തി നോക്കുക പോലും ചെയ്യില്ലത്രെ.

എന്താലേ.. ??

ഇത്തരമൊരു
മേലനങ്ങാപ്പണിയിൽ
ക്യൂ നിൽക്കാൻ റെഡിയായി നിൽക്കുകയാണ് മലയാളി

ഉറക്കം കളഞ്ഞ് നടക്കാൻ പോകേണ്ട,
ബാഡ്മിന്റൺ കളിച്ച് വിയർക്കുകയും വേണ്ട,
പൊരിച്ച കോയീന്റെ മണമൊന്നും കുറക്കേം വേണ്ട...

ആനന്ദലബ്ധിക്കിനിയെന്ത് വേണം ?

ഈ മരുന്ന് മണി ചങ്ങലയിൽ ,നിങ്ങൾ അടുത്ത ആളെ ചേർത്താൽ, അതിന്റെ വിഹിതം പോക്കറ്റിലെത്തുകയും ചെയ്യും.

പശൂന്റെ ചൊറിച്ചിലും തീരും
കാക്കയുടെ വിശപ്പും മാറും എന്നതിന്റെ
കമ്പോളവൽകൃത അപ്ലിക്കേഷൻ.സ്വന്തം തടി കുറയും മറ്റൊരാളെ അതിൽ ചേർക്കുന്നതിലൂടെ / അയാൾ മറ്റൊരാളെ അങ്ങനെ അങ്ങനെ വിഡ്ഢിയാകാൻ കാത്തു നില്ക്കുന്നവരുടെ എണ്ണം കൂടുന്നത് അനുസരിച്ച്‌ പോക്കറ്റുനിറയെ കാശും

സിമ്പിളും പവർഫുള്ളുമല്ലേ ന്ന് കരുതി
വെളിച്ചം കണ്ട
ഈയാംപാറ്റ കണക്കെ ,ഓടിച്ചെല്ലുന്നുണ്ട്.

സോഫ്റ്റ് ഡ്രിങ്കിനെപ്പറ്റി പറയുമ്പോൾ
പേരിൽ  ഹെർബൽ ന്നും കൂടി ഉള്ളതുകൊണ്ട്
പറയാനാഗ്രഹിക്കുന്നു.

ഹെർബൽ എന്ന് കേൾക്കുമ്പോൾ, ആയുർവേദം എന്ന മണം ഓർമ്മ വരുന്നവരാരെങ്കിലുമാണ് ഈ സോഫ്റ്റ് ഡ്രിങ്കിനൊപ്പം പോകുന്നതെങ്കിൽ
പറയാനുള്ളത് ഇത്രമാത്രം:

ആയുർവേദവുമായി ഇതിന് പുലബന്ധം പോലുമില്ല.
*സ്വന്തം റിസ്കിൽ* പോയി
നിൽപ്പനോ
ഇരിപ്പനോ ആയി
ഈ ഡ്രിങ്ക്സ് വാങ്ങി കഴിച്ചോളൂ .. ആളെ ചേർത്തോളൂ.. (അരുത് എന്ന് പറഞ്ഞ് മടുത്തു അതുകൊണ്ടാണ് )

ഒരു മരുന്ന് കഴിച്ച്, മറ്റൊരു അവയവം പോകുന്ന തരത്തിൽ
കൊക്കിന് വച്ചത്, കുളക്കോഴിക്ക് കൊള്ളുന്ന ഏർപ്പാട്
ആയുർവേദത്തിനില്ല.

അമിതവണ്ണത്തിന്റെ കാരണവും
കാര്യവും നിരീക്ഷിച്ച്
ആയുർവേദ ഡോക്ടർ നിർദ്ദേശിക്കുന്ന
ഭക്ഷണ നിയന്ത്രണവും വ്യായാമവും മരുന്നും കൊണ്ട് നിയന്ത്രിക്കുന്ന രീതിയേ ,ആയുർവേദത്തിനുള്ളൂ.

ഋതുക്കൾക്ക് അനുസരിച്ച് ശരീരബലം കൂടുകയും കുറയുകയും ചെയ്യുന്നതിനനുസരിച്ച്
പോലും വ്യായാമം ക്രമീകരിക്കാൻ പറയുന്ന
വൈദ്യശാസ്ത്രമാണ് ആയുർവേദം.

നിങ്ങളുടെ ശരീരം കാത്തു സൂക്ഷിക്കേണ്ടത്
പ്രഥമമായും നിങ്ങൾ തന്നെയാണ്.
മാജിക്കൽ ഫലം തരുന്നുവെന്ന പ്രചരണത്തിൽ വീണ് പോയി ഭാവിയിലെ ആരോഗ്യം പണയം വെയ്ക്കേണ്ട ഗതികേട് നിങ്ങൾക്കുണ്ടാകരുത്.

അമിത വണ്ണത്തെക്കുറിച്ചും തടി കുറയ്ക്കുവാനുള്ള മാർഗങ്ങളെക്കുറിച്ചും Info Drs Ayurveda എഴുതിയ ലേഖനത്തിന്റെ ലിങ്ക് ഇതോടൊപ്പം ചേർക്കുന്നു

https://m.facebook.com/story.php?story_fbid=273845139769841&id=209742992846723

MLM ഒരു അംഗീകൃത ബിസിനസ് രീതി തന്നെയാണ്
 ഇത്തരം ആരോഗ്യ (?) /പാനീയങ്ങൾ വിറ്റഴിക്കുന്ന രീതി ആശാസ്യമാണോയെന്ന് ഉത്തരവാദിത്വപ്പെട്ടവർ ' ഗൗരവമായി ആലോചിക്കണം .
Dr Sijin Soorya M
@
Info Drs Ayurveda FBPage

Comments

Post a Comment

Popular posts from this blog

വൈദ്യഭൂഷണം രാഘവൻ തിരുമുല്പാട്

-
ഇന്ന് Nov 21 ഈ ഓർമ ദിനത്തിൽ Info Dr's Ayurvedaയുടെ സ്മരണാഞ്ജലി വൈദ്യഭൂഷണം പദ്മവിഭൂഷൺ ശ്രീ രാഘവൻ തിരുമുല്പാട് മാഷിന് 🙏 Nabeel Haris ✍ ബഹുശ്രുതനായിരുന്നു തിരുമുൽപാട്‌ എന്ന പണ്ഡിതൻ . നിരന്തരമായ ശാസ്ത്രസംവാദങ്ങൾ കൊണ്ടും അധ്യാപനം കൊണ്ടും ചികിത്സ കൊണ്ടും  പ്രജ്ഞയെ സദാ ജാഗ്രത്താക്കി ക്കൊണ്ടിരുന്നു  ജീവിതസായാഹ്നത്തിലും അദ്ദേഹം. സ്വാനുഭവം കൊണ്ട്‌ ആയുർവേദത്തിന്റെ പ്രയോജനക്ഷമത ഉൾക്കൊണ്ട്‌, ക്ലേശത്തിലും ദാരിദ്ര്യത്തിലും ചഞ്ചലമാകാത്ത മനസ്സുമായി, ചികിത്സ പഠിച്ച്‌ ദശാബ്ദങ്ങളോളം അത്‌ നിലനിർത്തിയത്‌  വൈദ്യവിദ്യാർത്ഥികൾക്ക്‌  എന്നും മാതൃകയാണ്‌.       ആയുർവേദം  അദ്ദേഹത്തിന്റെ ഒരേയൊരു വൈജ്ഞാനിക മണ്ഡലമായിരുന്നില്ല. സംസ്കൃതവും തമിഴും ജ്യോതിഷവും വേദാന്തവും  തത്വചിന്തയും-എല്ലാത്തിലും അദ്ദേഹം ആധികാരിക പണ്ഡിതശബ്ദമായിരുന്നു. 'അമൃത'ഹോസ്പിറ്റലിൽ നിന്ന് വിദഗ്ധഡോക്ടർമാർ അദ്ദേഹത്തിന്‌ പലപ്പോഴും രോഗികളെ റഫർ ചെയ്യുമായിരുന്നു. ആയുർവേദത്തിന്റെ  ചികിത്സാപ്രകരണങ്ങളിൽ പറയുന്ന ഗഹനതത്വങ്ങളെക്കാൾ ലളിതമായ മൗലികതത്വങ്ങൾക്കായിരുന്നു അദ്ദേഹം ഊന്നൽ നൽകിയത്‌.   ...
Read more

ചേന .. Heath thy kitchen e Sunday

-
Healthy kitchen @ Sunday Info Drs Ayurveda FBPage കാർഷിക വിളകളെ വിളവെടുപ്പിന്റെ കാലമനുസരിച്ച് ഉപയോഗിച്ചിരുന്ന ഒരു നല്ല ഭക്ഷണ സംസ്ക്കാരമുണ്ടായിരുന്നു കേരളത്തിന് ... താളും തകരേം മുമ്മാസം ന്നുള്ള ചൊല്ലുകളൊക്കെ അതിനെ സൂചിപ്പിക്കുന്നതാണ്.     പുതുതലമുറക്ക് അന്യമായ ആ നാടൻ രുചി കളിലേക്കും ആരോഗ്യ പാചകത്തിലേക്കുമുള്ള  ഒരു വഴിതിരിയലാണ്  Healthy kitchen @ Sunday എന്ന വാരാന്ത ലേഖനങ്ങളിലൂടെ Info Drs Ayurveda FBPage ലക്ഷ്യമിടുന്നത്..... 1.ചേന ............ കർക്കിടകത്തിൽ ചേന കട്ടിട്ടെങ്കിലും തിന്നണമെന്നൊരു പഴമൊഴിയുണ്ട് അത്രയ്ക്ക് സ്വാദാവുമത്രെ അക്കാലത്ത്.      നമ്മുടെ പറമ്പുകളിൽ സുലഭമാണ് ചേനയെന്ന കിഴങ്ങുവർഗം ... തടിച്ച് വൃത്താകൃതിയിൽ പാറപോലെയിരിക്കുന്ന ഈ വിഭവം കൂട്ടുപച്ചക്കറിയിൽ അരിഞ്ഞിട്ട കഷണമായാണ് മോഡുലാർ കിച്ചനിലെത്തുന്നത്.ചൊറിയുമെന്നുള്ള പേടിയാൽ ഉപേക്ഷിക്കപ്പെടുകയും ചെയ്യും. അവിയലിലെ കഷണം എന്നതിൽ കവിഞ്ഞ ഉപയോഗമെന്നും പലർക്കും അറിവില്ല താനും .. ചേന എന്ന ഔഷധം ചേനയിൽ നാരുകള്‍ കൂടുതൽ അടങ്ങിയിട്ടുള്ളതിനാൽ ദഹനത്തെ സഹായിക്കാനും  മലബന്ധം കുറയ്ക്ക...
Read more

മത്ത നില .. Dr .Shahid ഇലയും കറിയും

-
Image
* ഇലയും കറിയും*                             പരമ്പര Info Drs Ayurveda FBPage @ *National Ayurveda Day* *7. മത്തനില* കണ്ണൂർ കരിവെള്ളൂരിൽ മണക്കാടൻ ഗുരുക്കൾ എന്നൊരു സർവ്വ കലാ വല്ലഭൻ ഉണ്ടായിരുന്നു. ചികിത്സ, ജ്യോതിഷം, മന്ത്രവാദം, താന്ത്രികം, കൺകെട്ട് വിദ്യ, നൃത്തം, വാദ്യം, തർക്കം മുതലായ പലതിലും പ്രതിഭ തെളിയിച്ച ബഹു മുഖ വ്യക്തിത്വം. ജാതീയ വിവേചനങ്ങളുടെ വലക്കണ്ണികളിൽ സാമൂഹിക ക്രമങ്ങൾ കുരുങ്ങി കിടന്ന കാലം. താഴ്ന്ന ജാതിക്കാരനായ മണക്കാടൻ പേരും പെരുമയും ആർജ്ജിച്ചു നിൽക്കുന്നത് കണ്ട കോലത്തിരി മഹാരാജാവ് അദ്ദേഹത്തിന് ഒരു വിരുന്ന്  നല്കാനായി ക്ഷണിച്ചു. വിരുന്നിനെത്തിയ മണക്കാടനെ സർവ്വ കലകളിലും, തർക്കത്തിലും, ആയോധനത്തിലുമൊക്കെ പരീക്ഷിച്ചെങ്കിലും അദ്ദേഹത്തിന്റെ അസാധാരണ  പാടവം സർവരെയും വിസ്മയിപ്പിച്ചു. ജാതീയമായി മണക്കാടനുള്ള കുറവ് എടുത്തു കാട്ടി അദ്ദേഹത്തെ ഇകഴ്ത്താൻ കോലത്തിരി ശട്ടം കെട്ടി. ഉയർന്ന ജാതിക്കാർ ഭക്ഷണ ശേഷം സ്വയം  ഇല എടുത്തു കളയേണ്ടതില്ല. എന്നാൽ താഴ്ന്ന കുലജാതനായ മണക്കാടന്  നാട്ടു നടപ്പ് അനു...
Read more